• Solicitude de inscrición.
• Certificado de empadroamento da unidade familiar (só no caso de non autorizar na solicitude)
• Fotocopia do DNI da/s persoa/s solicitante/s e menores, en caso de ser o primeiro ano de inscrición.
• Fotocopia do Libro de Familia (só no caso de ser o primeiro ano de inscrición).
• Declaración da Renda do 2024 ou xustificante de non ter a obriga de facela. (En caso de non tela entregada na convocatoria de Nadal 2025-2026).
• Certificados de empresa conforme se está traballando e non en período de vacacións. Dito documento deberá especificar que nas datas que solicita o campamento non ten programadas as vacacións (De non vir especificado  será excluída a solicitude da baremación). Para as persoas que traballen por conta propia, entregarase fotocopia do último recibo de autónomos.
• Certificado de familia monomarental/monoparental, de ser o caso.
• Resolución do Programa de Atención (PIA) onde se recoñeza a libranza para coidados no contorno familiar por coidador non profesional, para situacións de dependencia.
• Documentación acreditativa de asistir a formación ou situación similar.
• Calquera outra documentación que se requira para xustificar as diferentes situacións baremables no apartado 4 de criterios de valoración das bases aprobadas para regular a actividade.
• Para menores con Necesidades Educativas Especiais informes dos/as profesionais de referencia sobre as necesidades que presentan.

MOTIVOS DE BAIXA DA ACTIVIDADE.

Causarase baixa automática no servizo,  por calquera das circunstancias seguintes:

• Por solicitude propia.
• Por comprobación de falsidade na documentación ou datos achegados.
• Por compatibilizar o campamento con outra actividade externa,  no mesmo horario. A praza concedida neste campamento non é compatible con campamentos ou campus  organizados por outras entidades, para o mesmo período.
• Por falta de asistencia continuada durante máis de tres días sen causa xustificada.
• Por incumprimento reiterado das normas por parte do/a menor e da familia.

As baixas producidas por calquera dos motivos expostos cubriranse coas solicitudes da lista de agarda.

A baixa na actividade non dará lugar á devolución da cota de inscrición ou no seu defecto da parte proporcional correspondente.

COTA DE INSCRICIÓN. Establécese a seguinte cota de inscrición: 10 € por inscrición.